Descripción en Youtube:
Nire aitaren etxea defendituko dut.
Otsoen kontra, siketaren kontra,
lukumiarreriaren kontra, defendituko dut
nire aitaren etxea.
Galduko ditut haziendak, soloak,
pinudiak; galduko ditut
korrituak, errentak, interesak,
baina nire aitaren etxea defendituko dut.
Armak kenduko dizkidate,
eta eskuarekin defendituko dut
nire aitaren etxea;
eskuak ebakiko dizkidate,
eta besoarekin defendatuko dut
nire aitaren etxea.
Besorik gabe, sorbaldik gabe,
bularrik gabe utziko naute,
eta arimarekin defendatuko dut
nire aitaren etxea.
Ni hilen naiz, eta nire arima galduko da,
nire askazia galduko da,
baina nire aitaren etxeak
iraunen du zutik.
Armak kenduko dizkidate...
(Gabriel Aresti)
